واشنگٹن: امریکا نے کہا ہے کہ پاکستان میں عام انتخابات میں دھاندلی کے دعوؤں کی مکمل تحقیقات کی ضرورت ہے۔
امریکی محکمہ خارجہ کے ترجمان میتھیو ملر نے میڈیا بریفنگ میں کہا کہ انتخابات میں دھاندلی کے دعوؤں کی تحقیقات کے لیے پاکستان کا قانونی نظام پہلا اوردرست قدم ہوگا۔ یہی اقدام کرنا چاہیے ہیں اور اگرضرورت پڑے تو مزید تحقیقات ہونا چاہیے ہیں۔
انہوں نے کہا کہ بے ضابطگیوں کی تحقیقات دیکھنا چاہتے ہیں تاہم ہم جمہوری عمل کا احترام بھی کرتے ہیں۔ قانون کی حکمرانی، آئین کا احترام، آزاد صحافت، متحرک سول سوسائٹی کے احترام پر زور دیتے ہیں۔
امریکی محکمہ خارجہ کے ترجمان کا مزید کہنا تھا کہ انتخابات سے متعلق پرتشدد واقعات، انٹرنیٹ اور موبائل سروس پر پابندیوں کی مذمت کرتے ہیں۔ ان اقدامات نے انتخابی عمل کو متاثر کیا۔
