دبئی: آئی سی سی ایوارڈز کے لیے شارٹ لسٹ کرکٹرز کا اعلان کردیا گیا ہے، کسی بھی کیٹیگری میں کوئی پاکستانی شامل نہیں۔
انٹرنیشنل کرکٹ کونسل کے سالانہ ایوارڈز کے لیے جاری کی گئی شارٹ لسٹ کرکٹرز کی فہرست میں آسٹریلوی اور بھارتی کھلاڑی چھاپے ہوئے ہیں، جب کہ کسی بھی کیٹیگری میں ایک بھی پاکستانی شامل نہیں ہے۔
اعلان کی گئی فہرست کے مطابق آئی سی سی مینز کرکٹر آف دی ائیر کے لیے پیٹ کمنز، ٹریوس ہیڈ،ویرات کوہلی اور روینڈرا جدیجا کا نام شارٹ لسٹ ہواہے جب کہ ٹیسٹ کرکٹر آف دی ایئر کے لیے ایشون،ٹریوس ہیڈ،عثمان خواجہ اور جو روٹ کا انتخاب ہوا ہے۔
ون ڈے کرکٹرز کے لیےنامزد امیدواروں میں شمبن گل،ویرات کوہلی،ڈیرل مچل اور محمد شامی شامل ہیں جب کہ ٹی 20 آف دی ایئر ایوارڈ مارک چیپمین،رامجانی،سکندر رضا اور سوریا کمار یادیو میں سے کسی ایک کو ملے گا۔
ایمرجنگ کیٹیگری کے لیےکوٹزے،جیسوال،مڈوشنکا، راچن رواینڈرا میں سے کوئی ایک ایوارڈ اپنےنام کرے گا۔ انٹرنیشنل کرکٹ کونسل (آئی سی سی) سالانہ ایوارڈ حاصل کرنے والوں کا اعلان جنوری کے آخر میں کرے گی۔
