ممبئی: بالی وڈ انڈسٹری کے نامور اداکار سنجے دت کی نئی فلم ’ڈبل آئی اسمارٹ‘ کی پہلی جھلک سامنے آگئی۔
سماجی رابطے کے پلیٹ فارم ایکس (ٹویٹر) پر جاری پوسٹر میں اداکار بہت دبنگ نظر آتے ہیں، انہوں نے مہنگی گھڑی، انگوٹھیاں اور بالیاں پہنی ہوئی ہیں جبکہ ان کے چہرے اور انگلیوں پر ٹیٹوز بنے ہوئے ہیں۔
پوسٹر میں سنجے دت ایک سگار پی رہے ہیں جس سے ظاہر ہوتا ہے کہ فلم کے اندر وہ انتہائی طاقتور شخصیت کا کردار ادا کررہے ہیں۔
