ممبئی: بلاک بسٹر فلم ’غدر2‘ کی اداکارہ امیشا پٹیل نے انکشاف کیا ہے کہ بالی وڈ اسٹار کرینہ کپور کو فلم ’کہو نہ پیار ہے‘ سے نکالا گیا تھا۔
بلاک بسٹر فلم ’کہو نہ پیار ہے‘ سے بالی وڈ سپر اسٹار ہریتھک روشن کا بالی وڈ ڈیبیو ہوا تھا اور یہ خیال کیا جاتا ہے کہ فلم میں ہیروئن کے کردار کیلئے سب سے پہلے کرینہ کپور کو آفر دی گئی تھی لیکن انہوں نے انکار کردیا تھا۔
ایک تازہ انٹرویو میں امیشا پٹیل نے انکشاف کیا ہے کہ کرینہ کپور نے فلم سے انکار نہیں کیا تھا بلکہ راکیش روشن نے انہیں فلم سے نکال دیا تھا کیوں کہ ان کے درمیان ہم آہنگی نہیں تھی۔
اداکارہ نے بتایا کہ فلمساز راکیش روشن نے انہیں ایک شادی میں دیکھا تھا اس لئے فلم کے مرکزی کردار کیلئے انہیں آفر دی گئی۔
سنی دیول اور امیشا پٹیل کی فلم ’غدر2‘ انڈین باکس آفس پر کامیابی کے نئے سنگ میل قائم کررہی ہے اور اس کا بزنس 500 کروڑ تک پہنچ چکا ہے۔
دوسری طرف کرینہ کپور نیٹ فلکس تھرلر ’جانِ جان‘ کیلئے تیاریوں میں مصروف ہیں اور ان کی طرف سے اب تک امیشا پٹیل کے بیان پر کوئی ردعمل سامنے نہیں آیا۔
