چیئرمین پاکستان کرکٹ بورڈ (پی سی بی) نے کراچی، لاہور اور راولپنڈی اسٹیڈیمز کی اَپ گریڈیشن کیلئے 3 رکنی کمیٹی تشکیل دینے کی ہدایت کردی۔
لاہور میں پی سی بی ہیڈ کوارٹر قذافی اسٹیڈیم میں چئیرمین پاکستان کرکٹ بورڈ (پی سی بی) محسن نقوی کی زیر صدارت اہم اجلاس ہوا، جس میں تین بڑے اسٹیڈیمز کی اَپ گریڈیشن بلان کا جائزہ لیا گیا۔
محسن نقوی نے قذافی اسٹیڈیم، نیشنل ا سٹیڈیم کراچی اور راولپنڈی اسٹیڈیم کی اَپ گریڈیشن کیلئے انٹرنیشنل کنسلٹنٹ کی خدمات جلد لینے کی ہدایت کرتے ہوئے کہا کہ میگا ایونٹس کے انعقاد میں ایک سال سے کم وقت رہ گیا ہے، کام میں پہلے ہی تاخیر ہوچکی ہے۔
س موقع پر چیئرمین پی سی بی نے 3 رکنی کمیٹی تشکیل دینے کی ہدایت کی، جو انفراسٹرکچر، ڈومیسٹک کرکٹ اور انٹرنیشنل کرکٹ کے ڈائریکٹرز پر مشتمل ہوگی۔
کمیٹی کے ارکان انٹرنیشنل کنسلٹنٹ کی قواعد و ضوابط کے تحت جلد ہائرنگ کے عمل اور انٹرنیشنل کنسلٹنٹ کی مشاورت سے تینوں اسٹیڈیمز میں عالمی معیار کی سہولتوں کا جائزہ لیں گی۔
محسن نقوی نے ہدایت کی کہ اسٹیڈیمز کے انکلوژرز میں نشتیں لگائی جائیں گی اور شائقین کرکٹ کی سہولت کیلئے ہر نشت کا نمبر ہوگا، قذافی اسٹیڈیم کے مین گیٹ کے دو اطراف انکلوژرز میں نشتوں کی تعداد میں اضافہ کیا جائے گا جبکہ اسٹیڈیمز میں اسکور بورڈ اور لائیو اسٹریم کیلئے اسکرین بھی تبدیل کی جائے گی۔
چیئرمین پی سی بی نے ہدایت کی کہ اسٹیڈیمز کی فلڈ لائٹس کو تبدیل کرنے کے لیے تحمینہ لگایا جائے۔
